Phir Milenge - Faisal Kapadia

Dil ke kisi
Konay mein hi
Yaad teri, main ne
Chupa rakhi hai
Chupa rakhi hai
Bhoola nahi, tu bhi mujhe
Baatein yoon hi, main ne
Bana rakhi hain
Bana rakhi hain

Samaya tha dil mein woh aisay
Anjaane do miltay phir kaisay
Tum baarish mein bheege, hum behte
Samandar kinare jo rehte
Umeedein laga ke woh bethay
Jo apnon ki gham woh bhi sehte
Yeh duniya to chahti ke behkein
Yeh baagh issi khushboo se mehkein

Milay dard bohat
Kabhi tu bhi mil
Dil mein rehti nahi
Jaan ab tu hi dil
Aaj phir aayi na tu, intezaar raha mustaqil
Taveel hai gham ki sham, kahani mohabbat ki mukhtasir
Nazar sani karo zara si
Qadar karo meri kala ki
Jaanay wale chalay jaate hain
Kismatein he to qaabu main nahi atin
Chaoon mein dhoop ki tarah
Jism main rooh ki tarah
Guzray dimagh se yaad teri
Lagataar lahu ki tarah
Ab khaye jaayein yeh dar-o-diwaar, mujhe kisi bhook ki tarah
Teray bina nahi ghar bhi ghar, akele mehsoos ye kiya
Teri kami puri hui na
Aaj bhi rahi ek dil mein khala
Khizaan bhi aayi bar-waqt
Aur dil ka baagh bhi raha na hara
Tera hi ait'baar baki saari duniya pe bharosa nahi bana
Tu mujh main dekhay insaan
Baaqi saari duniya ko dikhe bas qala
Tu hai, main hoon, aur gehri khamoshi
Hum dono hi nahi suntay
Jo kuch bhi yeh kehti hogi
Gali hai dil ki tang, ab tera us mein aana na ho
Dil ke mohallay mein ab tere mera jana na ho
Tu hai, main hoon, aur sirf faasle hain
Raabte munqata aur
Muntazir hum aapke hain
Raaz hi nahi raazdaar bhi
Kya maangte hum
Khamiyon pe parday log
Kam hi yahan daalte hain
Hum sirhanay rakh ke khuwaab, raatein jaagte hain
Hum tumhein tum se bohat behtar jaante hain

Sargoshi mein loon
Naam tera
Tere liye, main ne
Haya rakhi hai
Haya rakhi hai
Bhula nahi, main bhi tujhe
Mere liye, main ne
Saza rakhi hai
Saza rakhi hai

Zindagi pe, likh chukay hain falsafay
Itni dil lagi k
Khud ko hi na parh sakay
Be-qadar to darbadar yu'n be-khabar hi chal paray
Yaadein kheenchti hain
Aage hi na barh sakay
Saadgi hi ban chuki ab aajzi
Muntazir kharay ussi maqaam pe hum aaj bhi
Aaj phir tu aayi nahi, aaj phir tu shayari
Aaj phir tu ek gumaan, yaad teri khaye gi
Woh thi meri raza
Ab dua ban gayi
Ae mere khuda kya saza barh gayi
Main jaagun saari raat, woh subah ban gayi
Garaj ke barastay ab yeh baadal nahi
Tu mere har dard ki dawa
Main dhoop mein khara
Mehsoos kar zara
Mosam badaltay hue dekhe hain logon ke badaltay roop ki tarah
Shamil ab tere deewanon mein
Milain gai khwabon mein
Rehtay khayalo'n mein
Uljhe sawalon mein
Kya tum pehchano gay
Ya phir mehmano se
Kaisay bharosa karain ab insano pe?
Tu hi khwaab, tu hi meri khuahish
Tu hi ehsaas, mein bayabaan tu baarish
Milein ge phir kabhi, umeed bhi, tu aas bhi
Khuli kitaab kartay
Zakhmon ki numaish

Kahani kahan
Khatam hoti hai?
Poori nahi
Har qasam hoti hai
Phir milenge kabhi, ajnabi ki tarah
Is aas mein
Dil mein
Subah rakhi hai
Subah rakhi hai
Subah rakhi hai